"يجول Yagoul" مشروع يهدف لإثراء المحتوى العربي على الانترنت في كافة المجالات والمواضيع من التعليم والثقافة والاعمال والسفر والسيارات وغيرها ..
كما يعمل ان يصبح واحداً من اكبر مصادر المعلومات العربية على الانترنت من أجل مساعدة الباحثين ورواد المعرفة والمستخدمين من مختلف الفئات في ايجاد المعلومة بسهولة من خلال تصنيف "يجول" هو الوصول الاسرع للمعرفة.
mero mode
2 years ago

طريقة عمل كفتة السمك اللذيذة
ان الكفتة لهى من اطيب المشاوى الى الانسان واسهلها فى التحضير ولكننا اتينا اليكم اليوم بوصفة جديدة ومميزة للكفتة وهى كفتة السمك بطريقة سهلة لنتعرف على مكوناتها وطريقة عملها سويا:

المكونات:

1 كيلو سمك فيليه وهتصفى مايته كويس جدا
2 حبه بطاطس كبيره مسلوقه
1 ربطه كزبره خضرا مفرومه
1 ربطه شبت مفروم
1 بصله مفرومه فرم ناعم جدا ولو عندك بصل بودره حطى معلقه وبلاش البصل المفروم
4 فص ثوم مفروم او معلقه ثوم بودره
1 معلقه حبهان بودره
1 معلقه كبيره كركم
1 معلقه كبيره كمون
1 معلقه كبيره كزبره ناشفه
ملح وفلفل ابيض
1 معلقه مسطرده
عصير ليمونه واحده فقط
دقيق بيض بقسماط للبانيه
زيت للقلى

الطريقه:

فى المفرمه بحط السمك مع البطاطس المسلوقه مع الكزبره الخضرا وكل التوابل اللى قلت عليها والبصل والثوم وعصير الليمون لحد ما تنعم معايا المكونات وبعدين بدخلها الثلاجه لمده ساعه عشان الكفته تشد معايا وتكون متماسكه قبل التشكيل بعد كده بشكلها كرات وبحطها فى الدقيق ثم البيض ثم البقسماط على الترتيب وبعدين بحطها فى الفريزر لمده ساعه على الاقل قبل القلى اللى هيكون فى زيت ساخن وغزير وبقليها لحد ماتاخد اللون الدهبى الجميل ممكن اقدمها مع مكرونه وسلطه وممكن عيش وطحينه وممكن ارز سمك

ثم تقدم وبالف هنا وشفا اتمنى ان تكون الوصفة حازت على اعجابك وتابعينى للمزيد من الوصفات الشهية